Alexanderlied

di kuninginne riche
sante mir ouh ein tier,
daz was edele unde her,
daz den carbunkel treget
und daz sih vor die magit leget.
Monosceros ist iz genant.
der ist luzzil in diz lant.
dar zo ne frumet nehein jaget:
man sol iz vahen mit einer magit.
sin gehurne daz ist fresam,
da ne mag niwit vor bestan.
und do die gabe was braht,
do was die frowe des bedaht,
daz si zo mir sante einen man,
der was also getan,
daz er konde malen.
der malede zo dem male
an einer tabelen minen lib.
niht nist so listic, so daz wib
unde ouh ir kint.
des quam ih in groz angist sint.

Pfaffe Lamprecht